ئەو هێلکە خرابووەی کە لە رانیە لەناو برا. وێنە: قایمقامیەتی رانیە
هی بریکارەکانی خۆراک بووە
228 تەبەقە هێلکەی خراپ بوو لەناو بران
964+
توانا نەقی
ژمارەیەکی زۆر هێلکە کە لە بارواری 6.6.2023ـەوە بەسەرچووە لە رانیە دەستی بەسەرداگیرا و تەلەف کران و لەناوبران.
لیژنەکانی قایمقامیەتی رانیە دەستیان بەسەر رێژەیەکی زۆر هێلکەی خراپ بوودا گرت، هێلکەکان لای بریکارەکانی خۆراک بوون نەشیاو بووە بۆ خوارد و پێدان بە هاوڵاتیان.
کارزان سلێمان، سەرۆکی لیژنە هاوبەشەکانی قایمقامیەتی رانیە بە 964ی راگەیاند، ئەو هێلکانە پێکهاتبوون لە 228 تەبەقە کە دەکاتە 6 هەزار و 930 هێلکە و تەلەف کراون.
وتیشی، ئەو هێلکانە لای بریکارەکانی خۆرال بوون بە هاوبەشی لەگەڵ بەشی دارایی رانیە سەردانی بریکارەکانیان کەردووە بۆ ئەوەی هاوڵاتیان وەرینەگرن و بەکاری نەهێنن چونکە بەسەر چووە.
کارزان دەشڵێت، کەشوهەوا گەرمە و هێلکە زوو خراپ دەبێت حەق وایە لە بری هێلکە مادەیەکی وشکە بنێردرێت بۆ هاوڵاتیان کە درەنگتر خراپ دەبێت، هەڵمەتەکەشیان بۆ لای بریکارەکانی ناحیەکان دەستپێدەکەن.