ئۆراوا رێد دیامۆندزی ژاپۆنی بووە پاڵەوانی ئاسیا. فۆتۆ: توویتەر
ئۆراوا رێدی ژاپۆنی بووه پاڵه‌وانی ئاسیا
+964
ئه‌رسه‌لان عه‌بدوڵا
یانەی ئوراوا رێد دینامۆدزی ژاپۆنی نازناوی خولی یانە پاڵەوانەکانی ئاسیای بەدەستهێنا، دوای ئەوەی ئه‌مڕۆ شه‌ممه بە ئەنجامی 1-0 گۆڵ لە یانەی هیلالی سعودی بردەوە.
یاریی گه‌ڕانه‌وه له یاریگه‌ی سایتاما كرا و تاكه گۆڵی یارییه‌كه ئه‌ندرێ كاریلۆ، یاریزانی هیلال به هه‌ڵه له‌خۆیانی كرد، یاریی چوونیش، كه هه‌فته‌ی رابردوو كرا، به 1-1 گۆڵ كۆتایی هاتبوو، به‌م شێوه‌یه به كۆی هه‌ردوو یاری ئۆراوا بووه پاڵه‌وان.
ئوراوا سیناریۆی ساڵی 2017ی دووپاتکردەوە، کاتێک لە ریاز بە ئەنجامی 1-1 له‌گه‌ڵ هیلال یەکسان بوون، دواتر له ژاپۆن به 1-0 گۆڵ بردنه‌وه‌ی تۆمار كرد.
یانه ژاپۆنییه‌كه سێیه‌م جاره ده‌بێته پاڵه‌وانی خولی یانه پاڵه‌وانه‌كانی ئاسیا.