وەرزی سەرما دەستیپێکرد و ئیدی رۆژ رۆژی نەوتە

ئەحمەد محەمەد – سلێمانی

وەرزی سەرما دەستیپێکرد و ئیدی رۆژ رۆژی نەوتە، بۆ دەستخستنی یەک دەبە نەوت دەبێ دوو سەعات لە سەرەدا بوەستی.

پەیامنێری 964 چووەتە یەکێک لە بەنزینخانەکانی سلێمانی، ئەو واچووە کە دەبەکەی پڕ بکات و بگەڕێتەوە ماڵەوە، بەڵام بەسەر سەرەیەکی دوورودرێژدا کەوتووە و پێیانوتووە، ئەو هەوایە نییە دەبێ دوو سەعات لە سەرەدا بوەستی تاوەکو دەبەیەکت بۆ پڕدەبێ.

چەند رۆژێکە و بەهۆی کەمبوونەوەی کارەبای نیشتمانی، خەڵک لە هەموو شارەکانی کوردستان روویان لە نەوت کڕین کردووە و ئەمڕۆ چوارشەممە 11.11.2026 نرخی هەر بەرمیلێک نەوتی ماڵان لە سلێمانی تا نزیکەی 350 هەزار دینار بەرزبووەتەوە.

پێداچوونەوە؛ شۆڕش قادری