کاسبکارێکی بازاڕەکە: ئاوی هەموو بازاڕ دێتەوە تەیراوە

رێباز یونس – هەولێر

هەرچی ئاوی بازاڕەکانی ترە دێتەوە تەیراوە، مەجارییەکان بچووکە و بەرگەی شەپۆلی ئەو هەموو ئاوە ناگرێ، ئەمە قسەی کاسبکارێکی بازاڕی تەیراوەیە لە هەولێر، کە ئەمشەو بەهۆی کۆبوونەوەی ئاوێکی زۆر خۆی و هاوپیشەکانی رسقەکەیان ژێرئاو کەوتبوو.

لەوێ سەوزە و میوە و چەندین پێویستی تری هاوڵاتییان دەفرۆشرێ.

لە هەولێر و لە هەندێک ناوچە بەهۆی شەپۆلی زۆری باران بارین کۆبوونەوەی ئاو روویداوە و هەندێک شوێن و ناوچە بووە بە لافاو، ئەوەی زیاتر لە سەرەتای شەپۆلەکە ئاوێکی زۆری تێدا کۆبوویەوەیە بازاڕی تەیراوە بوو.

کاسبکارێکی بازاڕەکە بە 964ی وت، زۆربەی رسقی خۆی و هاورێکانی ئاوی تێچووە یان ژێرئاوکەوتووە و زیانیان بەرکەوتووە، ئەو وتی، مەجارییەکان بچووکن داوامان کردووە چەندین جار چارەسەر بکرێ، بەڵام وەک خۆی ماوەتەوە.

پێداچوونەوە: ئەحمەد مستەفا