"هیچ کەسێک گیانی لەدەست نەداوە"
باڵەخانەیەک لە لەنگەی نوێی هەولێر لەکاتی تێکردنی کۆنکرێت رووخا
964+
ئەحمەد شەمزین – هەولێر
باڵەخانەیەک لە لەنگەی نوێی هەولێر و بازاڕی منارە لەکاتی تێکردنی کۆنکرێت رووخا و چەند کەسێک برینداربوون.
شاخەوان سەعید وتەبێژی بەڕێوەبەرایەتی بەرگری شارستانی هەولێر بە 964ـی وت، “بەپێی زانیارییە سەرەتاییەکان هیچ کەسێک لە رووداوەکەدا گیانی لەدەست نەداوە و تیمەکانمان بەڕێوەن بۆ شوێنی رووداوەکە”.
ئاماژەی بەوەشکرد، دەوترێ چەند کەسێک برینداربوون و هەر دوای رووداوەکە بە ئامبوڵانسی تیمەکانی فریاگوزاری خێرا گوازراونەتەوە بۆ نەخۆشخانە.