جوتیارێک لەکاتی ئاودانی زەویەکەیدا کارەبا گرتی و گیانی لەدەستدا

964+

سیروان خورشید – خورماتوو

لە خورماتوو جوتیارێک لەکاتی ئاودانی زەوییە کشتوکاڵییەکەیدا، کارەبا گرتی و گیانی لەدەستدا.

ئیبراهیم خالید، ئێشکگر لە نەخۆشخانەی گشتی خورماتوو بە 964ـی وت، “جوتیارەکە تەمەنی 50 ساڵە و خێزاندارە، خاوەنی سێ منداڵە، ئێوارەی ئەمڕۆ سێشەممە 25.8.2026 وەک پیشەی هەمیشەیی سەرقاڵی ئاودانی بەروبوومە کشتوکاڵییەکان بووە، لەکاتی کارپێکردنی غەتاسەکەی، کارەبا گرتوویەتی و دەستبەجێ گیانی لەدەستداوە”.

وتیشی، “کە گەیاندنیانە نەخۆشخانەکەمان، گیانی سپاردبوو، دوای ئەنجامدانی پشکنینی سەرەتایی و توێکاری تەرمەکەی رەوانەی پزیشکی دادی کەرکوک کرا و دواتر رادەستی کەسوکاری دەکرێتەوە”.

پێداچوونەوە؛ شۆڕش قادری