لە سبەینێوە بەنزینی 750 دیناری لە هەڵەبجە دابەش دەکرێت – وێنە؛ ئەرشیف
رۆژانە لە کاتژمێر 7ـی بەیانییەوە بچنە سەرەوە
لە سبەینێوە بەنزینی 750 دیناری لە هەڵەبجە دابەش دەکرێت
شۆڕش قادری
ئەمڕۆ لە هەڵەبجە بەنزینی 750 دیناری دابەش ناکرێت، لە سبەینێوە دەستپێدەکات و هەموو رۆژێکیش بەردەوام دەبێت.
لیژنەی سووتەمەنی قایمقامیەتی قەزای مەڵبەندی هەڵەبجە لە ئاگادارییەکدا بۆ هەموو شۆفێران و هاوڵاتیانی دەڤەرەکە دەڵێت، ئەمڕۆ بەنزین دابەش ناکرێت بەڵام لە سبەینێوە رۆژانە لە کاتژمێر 7ـی سەرلەبەیانییەوە دەستپێدەکات تا ئەو کاتەی بەنزینەکە کۆتایی دێت.
بۆلەمەودوا پڕۆسەی دابەشکردن بەم شێوەیە دەبێت؛
تەکسی و ئۆتۆمبێلی نەفەرهەڵگر: 40 لیتریان پێ دەدرێت (هەفتەی دوو جار).
ئۆتۆمبێلی بارهەڵگر: 50 لیتریان پێ دەدرێت (هەفتەی دوو جار).
لیژنەی سووتەمەنی قایمقامیەتی هەڵەبجە داوا لە شۆفێران و هاوڵاتیان دەکات پابەندی رێنماییەکان بن بۆ ئەوەی پڕۆسەکە بەباشی بەڕێوەبچێت و هەمووان بەنزینیان بەرکەوێت.