وەسیەتی باوکێک بەنزینخانەی رووخاند و وا مزگەوت دروست دەکەن

ئاکام غەفوور – سۆران

لەسەر وەسیەتی باوکی، خێرخوازێک بێ ئەوەی ناو و ناونیشانی خۆی لە میدیا ئاشکرابکات، زەوییەکی بەبەهای نیو ملیۆن دۆلار بەخشی بۆ دروست کردنی مزگەوتێک.

زەوییەکە پێشتر بەنزینخانە بووە، تێکدراوە و ئێستا دەکرێ بە مزگەوت.

خێرخوازەکە لە قەزای سۆرانە، بێ ئەوەی خۆی دەربخات لەسەر زەوییەکی بازرگانی گەورە کە بەهای زەویەکەی نزیک 50 دەفتەرە، مزگەوتەکەی بناغە کردووە و دەڵێت، وەسیەتی باوکمە کە تا بتوانین چاکە و خێر بکەین.

زەوی مزگەوتەکە بازرگانییە و لەسەر رێگە سەرەکییە، تائێستا بەشێک لە کارەکانی بناغەکردنی باڵەخانە مزگەوتەکە تەواو کراوە، مەزەندە وایە 20 دەفتەر دۆلاریش لە تەواوکردنی مزگەوتەک خەرج بکرێ.

پێداچوونەوە: ئەحمەد مستەفا