هاولاتیان کێڵگەیەکی پەلەوەرییان رزگار کرد
رەشەبا ئاگرێکی گەورەی لە بەشێکی پووش و پاوانی گوندی گۆپتەپە بەردا
عەزیز عەبدوڵا – گۆپتەپە
ئەمڕۆ رەشەبایەکی توند و بەهێز لە سنووری گۆپتەپە هەڵیکرد، هێندەی پێنەچوو ئاگر لە بەشێکی پووش و پاوان گەوتەوەو بووە مەترسی لەسەر کێڵگەیەکی پەلەوەری لەشوێنی ئاگرەکەوە نزیک بوو، بەلام هاوڵاتیان و گەنجانی ئەو ناحیەیە هیممەتیان کرد و کێڵگەکەیان لە سووتان پاراست.
تاوەکو ئێستا نەزاندرێت هۆکاری ئاگرکەوتنەوەکە چی بووە بەڵام کاوە فەرەج دانیشتووی گوندەکەیە بە 964ی وت، نیوەڕۆ بوو کاتێک بە ئاگرەیان زانیوە لەهەموو لایەکەوە بە فریای کەوتن و هاوڵاتیان بە سەیارە و ماتۆڕەوە گەیشتە شوێنی ئاگرەکە.
پشتیوان خالید، کە خاوەنی کێڵگەی پەلەوەریەکەیە وتی “هەرزوو تیمەکانی بەرگری سارستانیمان ئاگادار کردەوە بەڵام وەک پێویست نەهاتن بەدەممانەوە و ناچار لەگەڵ هاولاتیان ناوچەکە ئاگرەکەمان کۆنتڕۆڵ کرد.
پێداچوونەوە؛ فەرهاد حەسەن