پۆلیسى سلێمانى:
ئەم گەنجەمان دەستگیرکرد کە جانتایەک و دوو مۆبایلى لە ژنێک دزی بوو
وریا فەتاح
پۆلیسى سلێمانى، دەستگیرکردنى تۆمەتبارێکى راگەیاند کە جانتایەک و دوو مۆبایلى لە ژنێک دزیوە و مۆبایلەکانیشى فرۆشتووە.
دەستگیرکردنى کەسەکە لە سەر سکاڵاى هاوڵاتییەک بوو کە لە ناو بازاڕى سلێمانى جانتایەک و دوو مۆبایلى لێدزراوە.
بەپێى راگەیەندراوى پۆلیسى سلێمانى، مەفرەزەکانی نوسینگەی نەهێشتنی تاوانی ناوبازاڕی سەر بە بەشی پۆلیسی نەهێشتنی تاوان، دەستیان لە لێکۆڵینەوە کردووە و بە بڕیارى دادوەر تۆمەتباریان دۆزیوەتەوە و دەستگیریان کردووە.
تۆمەتبارەکە گەنجێکى تەمەن 22 ساڵە و بە بڕیارى دادوەر و بەپێى ماددەى 446 لە یاساى سزادانى عێراپى راگیراوە.
هەرچەندە تۆمەتبار دەستگیرکراوە و دانى بە تاوانەکەدا ناوە، بەڵام بەپێى راگەیەندراوى پۆلیس، گەنجەکە مۆبایلەکانى فرۆشتووە و جانتاکەشى فڕێداوە کە جل و بەرگى ژنانى تێدا بووە.