کورتەباڵایان رۆژێکى خۆشیان تێپەڕاند

964+

دیلان محەمەد- سلێمانى

ئەمڕۆ رۆژى کورتەباڵاکان بوو، چونکە لە سەیرانگاى دووکان گەشتێکى بە کۆمەڵیان ئەنجامداو تێر هەڵپەڕین و خۆشیان دەربڕى.

عومەر جەبار کە سەرۆکى کۆمەڵەى کورتەباڵایانى کوردستانە و ساڵانە کۆمەڵەکەیان گەشتى بە کۆمەڵ بۆ کورتەباڵایان رێک دەخات، بە 964ـى وت،”ئەو گەشتانە گرنگن چونکە هەرچى قەیران و کێشەیە لەبیرمان دەباتەوە و بەیەکەوە خۆشى دەردەبڕین”.

ئاڤێستا دڵشاد کە یاریزانى بەرزکردنەوەى قورساییە لە هەڵبژاردەى عێراق، هەر وەکچۆنى هێزى خۆى پیشاندەدات بۆ بەرزکردنەوەى قورسایى، ئاواش لە گەشتەکەدا دەستى کرد بە هەڵپەڕکێ و تا پێى کرا شایى کرد.

ئەو بە 964ـى وت،”بەرنامەى هەیە ئەمجارە بە بەرزکردنەوەى کێشى قورستر لە جاران، بەشدارى پاڵەوانێتییەکان بکات”.

پێداچوونەوە: وریا فەتاح