ئاژەڵی سوری نایەتە کوردستان و تەنیا ئێرانی دێت

عەبدولعەزیز خالند – هەولێر

جەژنی قوربانی پیرۆز نزیکبووەتەوە و ئیتر مەیدانی فرۆشتنی ئاژەڵ و مەڕوماڵات لە هەولێر قەرەباڵغی تێکەوتووە، بەڵام نرخی ئاژەڵ گران بووە و ئەرکی ئەو کەسانە قورسە، کە بیانەوێت قوربانی بکەن و ئەو ئەرکە ئایینییە جێبەجێ بکەن.

هاوڕێ سلێمان، هەم جوتیارە و هەمیش ئاژەڵفرۆشە، ئەو دەڵێت، ئاژەڵ لە دەرەوە نایەت، بۆیە گران بووە.

دەشڵێت، خەڵک زیاتر بەرانی دەوێت، کە بۆ قوربانی گونجاوە، بەڵام نرخی گرانبووە و کیلۆی نۆ هەزار دینار و زیاتریشە.

لای خۆیەوە محەمەد تۆفیق کە ئەزموونی زۆری لە بازاڕی ئاژەڵاندا هەیە، دەڵێت، ئێستا تەنیا لە ئێرانەوە ئاژەڵ و مەڕوماڵات دێتە کوردستان و لە سوریا و شوێنی دیکەوە نایەت، ئەمەش وایکردووە ئاژەڵ گران بێت.

دەشڵێت، چەرچییەکان ئاژەڵ گرانتر دەکەن، مەڕی چاک کیلۆی بە هەشت هەزارە و بزن بە حەوت هەزار دینارە، هەروەها بەران کیلۆی بە نۆ هەزارە.

محەمەد دەڵێت، ئاژەڵی سوریا دەچێتە سعودیە و پارەی زیاتر دەکات، بۆیە نایهێنن بۆ کوردستان.

پێداچوونەوە: ئەرسەلان عەبدوڵا