دوو مەتر بەفر باریوە
لە حاجی ئۆمەران ئۆتۆمبێلی گەشتیاران لەژێر بەفردا ونبوون
964+
ئاکام غەفور – سۆران
شەپۆلێکی بەفربارینی سەخت حاجی ئۆمەرانی گرتووەتەوە و ئاستی بەفر گەیشتووەتە نزیکەی دوو مەتر، بەهۆیەوە ئەو ئۆتۆمبێلانەی لە گەراجەکان وەستێنراون بە تەواوی داپۆشراون و دیار نەماون.
ئاکام غەفور، پەیامنێری 964 دەڵێت، بەفر هەموو شتێکی لە ناوچەکە سپیپۆش کردووە و دیمەنەکە بەجۆرێکە تەنانەت ئۆتۆمبێلەکانیش لەژێر بەفردا بزر بوون.
بەشێکی زۆر لەو ئۆتۆمبێلانەی لە گەراجەکانی حاجی ئۆمەرانن و بەفر دایپۆشیون، هی ئەو گەشتیارانەن کە بە ئۆتۆمبێلی خۆیان تا سنوور رۆیشتوون و لەوێوە سەردانی ئێرانیان کردووە، بەڵام تا ئێستا نەگەڕاونەتەوە.
پێداچوونەوە: مستەفا نەهرۆ
