لە گوندێکی باڵەکایەتی
بەفر بەشێکی مزگەوتێکی رووخاند
964+
ئاکام غەفور – سۆران
لە گوندی بێشەی باڵەکایەتی بەهۆی زۆری بەفر بارین، بەشی پێشەوەی مزگەوتی گوندەکە رووخا و زیانی پێگەیشت.
مەلا سادق عەلی، وتارخوێنی مزگەوتی گوندەکە، بە 964ـی وت،”زیاتر لە نیو مەتر بەفر باریوە و بەهۆیەوە بەشێکی سەقفی مزگەوتەکەمان رووخاوە و زیانی پێ گەیشتووە.
وتیشی، خودا رەحمی کرد لە کاتی نوێژ نەبوو ئەگەرنا خەڵک دەکەوتە ژێری، ئەمڕۆ بە هیمەتی خەڵکی گوندکە سەرقاڵی ئەوەین شوێنەکە پاک بکەینەوە و دووبارە دروستی بکەینەوە.
گوندی بێشە، دەکەوێتە سنووری ناحیەی سمیلان لە دەڤەری باڵەکایەتی و لە ئێستادا 85 خێزان نیشتەجێی ئەم گوندەن و لە وەرزی زستاندا کەشیکی زۆر ساردی ھەیە، ھەندێک جار پلەی گەرمی دەگاتە 7 پلە ژێر سفری سیلیزی.
پێداچوونەوە: ژێوار خدر
