عەلی تەتەر شارەكەی پاكدەكاتەوە

+964
هێڤی دیوالی – دهۆک
ئەمڕۆ 3.3.2023 پارێزگاری دهۆك هەڵمەتێكی بۆ پاككردنەوەی شوێنە گشتییەكانی شارەكەی دەستپێكرد.

هەڵمەتی پاككردنەوەكە، لە ناو بازاڕ و شوێنە گشتییەكان و شەقامە سەرەكیەكانەوە دەستپێدەكات تا دەگاتە كۆڵانەكانی ناو شار.

پەڕەی فەرمی پارێزگای دهۆك لە تۆڕی کۆمەڵایەتی فەیسبووک، چەند وێنەیەكی كارمەندانی شارەوانی و هاوڵاتیانی داناوە و نوسیویەتی هەڵمەتەكە دەستیپێكرد.

هەڵمەتەكە دوو رۆژ بەردەوام دەبێت و سەرتاسەری پارێزگاكە پاكدەكرێتەوە.

دوو قۆناغە هەڵمەتەكە، قۆناغی یەكەم پاككردنەوەی شەقامەكان و قۆناغی دووەم، نۆژەنكردنەوەی شوێنە تێكچوەكانە لە شارەكەدا.