"لە ترسی تەرزە بردمە ناو گەراج ئاوای بەسەرهات"
هێشتا هەشت ئۆتۆمبێل لە گەراجی شوقەکانی سڤار تاوەر لە ژێر ئاودا ماون
ئەحمەد شەمزین – هەولێر
هێشتا هەشت ئۆتۆمبێل لە گەراجی شوقەکانی سڤار تاوەر لە ژێر ئاودا ماون و تیمەکانی بەرگری شارستانی هەولێر، بە شۆفڵ خەریکن دەریان دەهێننەوە.
لە شەوی لافاوەکەدا جگە لە ماتۆڕسکیل و کەلوپەلی دانیشتووانی پڕۆژەکە، نزیکەی 25 ئۆتۆمبێلیش لەناو گەراجەکە نوقمی ئاوبوون، تاوەکو ئێستا هەشت ئۆتۆمبێلیان دەرنەهێنراونەتەوە.
یوسف نزار خاوەنی یەکێک لەو ئۆتۆمبێلانە لە بەردەم گەراجەکە وەستاوە و چاوەڕێی دەرهێنانەوەی ئۆتۆمبێلەکەی دەکات، قسەی بۆ مایکی 964 کردووە و دەڵێت، “هەموو جارێک سەیارەکەم لە دەرەوە رادەگرت، ئەوە شەوە لە ترسی تەرزە بردمە گەراجەکە و ئاوای بەسەرهات”.
وەک باسی دەکات، سەیارەکە جگە لە ئەوراقەکانی خۆی، ئەوراق و دۆسیەی خەڵکیشی تێدایە کە لای خوشکەکەی بووە کە پارێزەرە و لەناو سەیارەکەی ئەودا دایناون.
پێداچوونەوە؛ شۆڕش قادری