قوتابییەکی 10 ساڵ بە پلەی دووەمی لە لەندەنەوە گەڕایەوە

ئەحمەد مستەفا

قوتابییەکی کوردی نیشتەجێی سلێمانی کە تەمەنی تەنیا 10 ساڵە، بەهۆی ئەوەی داوای دانانی خشتەی کات بۆ هاتوچۆی گشتی و بەکارهێنانی پاسی کارەبایی کردووە وەک چارەسەرێکی کاریگەر بۆ کەمکردنەوەی پیسبوونی ژینگە، پلەی دووەمی لە پێشبڕکێیەک بەدەستهێنا.

ئەو قوتابییە ناوی ئانوو ئامانج عومەرە و لە پۆلی پێنجەمی بنەڕەتییە لە سلێمانی و لە قوتابخانەی لیدەرس دەخوێنێ.

ئامانج عومەر باوکی ئانوو بە 964ی وت، ئانوو لە پێشبڕکێی نێودەوڵەتی ئای وایس (iWise) لە وڵاتی بەریتانیا و شاری لەندەن زانکۆی ( Surrey ) توانی (Silver Medal) لەسەر ئاستی، زیاتر لە 100 وڵاتی جیهان و بەسداربوو بەدەستبهێنێ و  لەلایەن بەڕێوەبەری پەروەردەی پڕۆژەکانی ئەوروپا پێشکەشی کراوە.

هەروەها، لەسەر ئاستی بەهرەمەندەکان ئانوو توانی لە پێشبڕکێی (Talent category) پلەی دووەم بەهەمان شێوە بەدەستبهێنێت، و لەلایەن باڵوێزی مالیزیا دەست خۆشی لێکراوە.

ئانوو بە پێشکەش کردنی بابەت و پڕۆژەی ژینگەی سەبارەت داهاتووی بەردەوام و کەمکردنەوەی کاریگەرییەکانی گۆرانی کەشو هەوا بووە بە سیمایەکی دیاری و قوتابییەکی چالاکی کورد و سەرنجی بەڕێوەبەرانی پێشبڕکێکەی راکێشاوە.