27 كیلۆمەترى قیرتاو كراوە
بەشێکی شەقامی 100 مەتریی سلێمانی دەکرێتەوە
964+
محەمەد فاتیح
پڕۆژەی ستراتیجی شەقامی 100 مەتری سلێمانی، یەكێكه لە گرنگترین پڕۆژەكانی رێگا و بان لە سلێمانی و چەندین تایبەتمەندی گرنگی هەیە.
درێژی پڕۆژەكە، 34 كیلۆمەترە و چوار سایدە و پانی شەقامەكە 62 مەترە و دووسایدی سەرەكی پڕۆژەكە 21 مەتر و دووسایدی خزمەتگوزاری 10 مەتره و پێكهاتەی ژێرخانی پڕۆژەكە، لە حەوت یەكتربڕی گەورە و پێنج ئەندەرپاس و یەك ئۆڤەر پاس و پردێك بە درێژی 500 مەتر لەسەر چەمی تانجەڕۆ لەخۆدەگرێت.
فەرمانگەی میدیا و زانیاری بڵاویكردەوە:
-لەئێستادا 27 كیلۆمەتر قیرتاو كراوە .
-كاركردن لە چینی كۆتایی بەردەوامە.
-لە كۆتایی ئەمساڵ، بەشی تاسڵوجە – تانجەڕۆ، 21 كیلۆمەتری پڕۆژەكە دەكرێتەوە.
-پڕۆژەكە، لەلایەن كۆمپانیا و دەستی كاری ناوخۆیی، بە باشترین كوالێتی دروست دەكرێت.
-ئەم شەقامە، دەبێتە یەكێك لە گرنگترین پڕۆژەكانی رێگا و بان لە سلێمانی و كاریگەری گەورەی لەسەر گەشەكردن و بەرەو پێشچوونی ئابوری و هاتوچۆی ناوچەكە دەبێت.
