لەکاتی کۆنترۆڵکردنی ئاگرێک گەنجێک گیانی لەدەستدا

میلاد جەلال – گەرمیان

ئاگر لە گوندێکی ناحیەی کوڵەجۆی گەرمیان کەوتووەتەوە و گەنجێکێش لە کاتی کوژاندەنەوەی ئاگرەکە گیانی لەدەستداوە.

ئیبراھیم محەمەد، وتەبێژی بەرگری شارستانی گەرمیان بە 964ـی وت،”لە قچقەلەرخ لە سنووری ناحیەی کوڵەجۆ ئاگر کەوتەوە و گەنجێک لەکاتی کوژاندنەوەی ئاگرەکە گیانی لەدەستدا”.

“لەکاتی دروێنەدا تایەی دەڕاسەکە ئاگری گرتووە و دوکەڵێکی زۆری کردووە لەوکاتەدا گەنجەکە رۆشتووە بۆ کوژاندنەوەی ئاگرەکە و تەندروستی تێکچووە و گەیاندویانەتە نەخۆشخانە و گیانی لەدەستداوە”،ئیبراھیم محەمەد وای وت.

رەفیق قادر، بەڕێوەبەری نەخۆشخانەی فریاکەوتنی شەھید ھەژار لەکەلار بە 964ـی وت،”گەنجەکە کە ھێنرایە نەخۆشخانە گیانی لەدەستدابوو، لەکاتی کوژاندنەوەی ئاگرەکە ماندوو بووە و دوکەڵ رۆشتبووە قوڕگیەوە گومان دەکەن جەڵدە لێیدابێت”.

ئاماژەی بەوەش کرد، گەنجەکە تەمەنی 38 ساڵە و تەرمەکەی رەوانەی پزیشکی دادی کەلار کراوە.

پێداچوونەوە: توانا نەقی