لۆگۆی وەزارەتی خوێندنی باڵاو توێژینەوەی زانستی هەرێمی کوردستان _ گرافیک: 964
بۆ مەسەلەی دامەزراندنە
لە ئەمڕۆوە سێ یەکەمەکان و خاوەن بڕوانامە باڵاكان سەردانی خوێندنی باڵا بكەن
964+
ئەرسەلان عەبدوڵا
وەزارەتى خوێندنى باڵاى هەرێمی كوردستان لە راگەیاندراوێكی “بەپەلە و گرنگ”دا رایگەیاند، لە ئەمڕۆوە سێ یەکەمەکان و خاوەن بڕوانامە باڵاکانى ناوچەکانی دەرەوەى هەرێم، دەتوانن سەردانى تۆمارى زانکۆکان بکەن بۆ وردەکارى لە بارەى پێشکەشکردنى فۆڕمی داتاکان
وەزارەتەكە ئەمڕۆ چوارشەممە 30.7.2025 رایگەیاند، بۆ پرۆسەی دامەزراندنی سێ یەکەمەکان و هەڵگرانی بڕوانامە باڵاکانى زانکۆکانى هەرێمى کوردستان لە دانیشتوانی پارێزگاکانى دەرەوەی ئیدارەی هەرێمی کوردستان، لەسەر میلاکی حکومەتی فیدراڵی، وەزارەتى خوێندنى باڵا و توێژینەوەى زانستیی حکومەتى هەرێمى کوردستان ئاگادارى سێ یەکەمەکان وهەڵگرانى بڕوانامە باڵاکان دەکاتەوە لینکى ناردنى داتاکانى ئەنجومەنى راژەى گشتیى فیدرالى لەلایەن وەزارەتەوە ئاراستەى سەرجەم تۆمارى گشتى زانکۆکان کراوە.
هەروەها دەڵێن: بۆ ئەم مەبەستە ئاگادارتان دەکەینەوە لە ئەمڕۆوە دەتوانن سەردانى تۆمارى گشتیى زانکۆکانتان بکەن بۆ زانیارى و وردەکارى لەبارەى چۆنیەتى دەستپێکردنى پرۆسەکە و پێشکەشکردنى فۆڕمەکان، دواتریش لە رێگەى تۆمارى زانکۆکانەوە راستەوخۆ داتاکان بۆ ئەنجومەنى راژەى گشتیى فیدرالى دەنێردرێت.
