پرۆژەی رووناکی فراوانتر دەكرێت

964+

محەمەد فاتیح

لە چوارچێوەی پرۆژەی ڕووناکی و لە درێژەی هەوڵەکان بۆ دابینکردنی کارەبای 24 کاتژمێری بۆ هاونیشتیمانیانی هەرێمی كوردستان، کارەبای نیشتیمانیی 24 کاتژمێری بۆ 12 گەڕەکی دیکەی شاری هەولێر و دوو گەڕەکی شاری سلێمانی دابینكرا.

وەزارەتی كارەبا دەڵێت گەڕەکەکانی هەولێر بریتین لە (شۆڕش، کانی، نووسەران، کوێستان، کۆماری، رووناکی، پزیشکان، مەنتکاوە، ئازار، زانکۆ، حەمرین و شارەوانی) و گەڕەکەکانی سلێمانیش بریتین لە (هەواری تازە و بەشێکی تووی مەلیک).

وتيشى “ئەمەش دوای ئەوە دێت کۆمەڵێک گەڕەکی دیکەی هەولێر و سلێمانی و دهۆک سوومەندبوون لە پرۆژەی ڕووناکی و کارەبای 24 کاتژمێرییان بۆ دابینکرا و بەمزووانەش دەگاتە پارێزگای هەڵەبجە”.

پرۆژەی رووناکی بەردەوامە لە فراوانبوون و تا ئێستا لە سەرانسەری هەرێمی کوردستان نزیکەی 600 هەزار هاوڵاتی کارەبای 24 کاتژمێرییان بۆ دابینکراوە و نزیکەی 750 مۆلیدەی تایبەت وەستێنراون لە 43 گەڕەکی جیاواز لە سەرانسەری هەرێمی کوردستان کە یەکسانە بە 126 هەزار ئۆتۆمبێل لە رووی دەردانی گازی ژەهراوییەوە.

بەڕێوەبەرێکی کارەبا بیرۆکەی نوێی بۆ گەیاندنی رووناکی داهێناوە