دیمەنی شەقامێک لە کاتی بارانبارین _ وێنە: 964
تا شەممە دەخایەنێت
كەشناسیی عێراق: سبەی كەشوهەوا باراناوی دەبێت
+964
ئەرسەلان عەبدوڵا
دەستەی كەشناسیی عێراق دەڵێت، سبەی كەشێكی باراناوی دەستپێدەكات و تا رۆژی شەممە درێژەی دەبێت.
دەستەكە ئەمڕۆ چوارشەممە لە راگەیاندراوێكدا ئەوەی خستەڕوو، لە سبەی پێنجشەممە كەشێكی باراناوی روو لە ناوچەكانی رۆژئاوا و باكووری رۆژئاوای عێراق دەكات و نەرمەبارانیش دەبارێت، كە لە هەندێكدا بروسكەشی لەگەڵدا دەبێت.
هەروەها دەڵێن، “ئەو رەوشەی كەشوهەوا سەرتاسەری عێراق و هەموو شارەكان دەگرێتەوە، تا رۆژانی هەینی و شەممەش درێژەی دەبێت”.
ئەمەش لە كاتێكدایە بەپێی پێشبینییەکانی کەشناسی لە هەرێمی كوردستان، پلەی گەرما لە كوردستان بەرزدەبێتەوە و ئەم دوو رۆژە کەشەکە گونجاو و سەقامگیر دەبێت و تەنیا سبەی لە سنووری پارێزگای دهۆك كەشەكە لە هەندێك كاتدا بۆ نیمچەهەور دەگۆڕێت.
