فەلوجە

زیاتر لە 50 كەس بەهۆی خۆڵبارینەوە داخلی نەخۆشخانە كران

23:47

964+

ئەرسەلان عەبدوڵا

فەرمانگەی تەندروستی ئەنبار رایگەیاند، زیاتر لە 50 كەس بەهۆی خۆڵبارینەوە هەناسەیان تەنگ بووە و داخلی نەخۆشخانەی فەلوجە كراون.

شەپۆڵێكی خۆڵبارین سنووری پارێزگای ئەنباری گرتووە و بە پێی راگەیاندراوێكی نەخۆشخانەی قەزای فەلوجە، رۆژی شەممە زیاتر لە 50 كەس بەهۆی ئەو خۆڵبارینەی هاتووە تووشی تەنگەنەفەسی بوون و داخلی نەخۆشخانەی فریاكەوتنی فەلوجە كراون.

ئاماژەیان بەوەش كردووە، تیمەكانی تەندروستی چارەسەریان بۆ نەخۆشەكان كردووە و هەموویان چارەسەر كراون و باری تەندروستیان باش بووە و رەوانەی ماڵەوە كراونەتەوە.