لە گەرمیان تانکەرێک لە ماتۆڕسکیلێکیدا و ماتۆڕسوارەکە گیانی لەدەستدا
لە گەرمیان
تانکەرێک لە ماتۆڕسکیلێکیدا و ماتۆڕسوارەکە گیانی لەدەستدا
شۆڕش قادری
لە ناحیەی باوەنوور لە گەرمیان، تانکەرێک لە ماتۆڕسکیلێکیدا و ماتۆڕسوارەکە گیانی لەدەستدا.
بەپێی راگەیەنراوێکی هاتوچۆی گەرمیان، “پاشنیوەڕۆی ئەمڕۆ هەینی 6.12.2024 لە ناحیەی باوەنور، تانکەرێک لە جۆری (مان) لەگەڵ ماتۆڕسکیلێک خۆیان بەیەکدا کێشاوە، بەوهۆیەوە ماتۆڕسوارەکە بەسەختی برینداربووە و گەیەنراوەتە نەخۆشانەی شەهید مەلا ئەحمەد کەلاری”.
ئاماژە بەوەشکراوە، دوای چەند کاتژمێرێک ماتۆڕسوارەکە بەهۆی سەختی برینەکەی لە نەخۆشخانە گیانی لەدەستداوە.
هاتوچۆی گەرمیان دەشڵێت، ئەوکەسەی گیانی لەدەستداوە، تەمەنی 21 ساڵە و لەدایکبووی ساڵی 2003ـیە، لێکۆڵینەوەشیان سەبارەت بە چۆنیەتی و هۆکاری رووداوەکە دەستپێکردووە.