لە هەڵەبجە 500 کەس چاوەڕوانی بڕیارێکی ئەنجوومەنی وەزیرانن

964+

ژووری هەواڵ

نزیکەی 10 سەرۆکوەزیرانی هەرێمی کوردستان بەڵێنی دامەزراندنی 500 کەسی بۆ هەڵەبجە داوە، بەڵام تا ئێستا دەستبەکارنەبوون و ناوەکانیان لە راژەوە نێردراوە بۆ ئەنجوومەنی وەزیران.

ئەمڕۆ پێنجشەممە 5.12.2024، شاهین رەزا، جێگری پارێزگاری هەڵەبجە بە 964ـی راگەیاند، ناوی ئەو 500 کەسە نێردراوە بۆ ئەنجوومەنی وەزیران، بەڵام تاوەکو ئێستا بڕیاری دامەزراندنەکەیان نەگەڕاوەتەوە.

لەبارەی ئەو رێکارانەی کە پێویستە دوای گەڕانەوەی ناوەکان بگیرێتەبەر، جێگری پارێزگاری هەڵەبجە وتی، “کەی رەزامەندی درا ئەوکاتە دەزانین”.

لە 22ـی شوباتی 2024، سەرۆکوەزیرانی هەرێمی کوردستان، مەسرور بارزانی لە سەردانێکدا بۆ پارێزگای هەڵەبجە چەند بەڵێنێکی دا، یەکێک لەوانە دامەزراندنی 500 کەس بە گرێبەست لە دامودەزگاکانی حکوومەتی هەرێمی کوردستان لە سنووری پارێزگای هەڵەبجە بوو.

هەڵەبجە 500 کەسی بە گرێبەست بۆ دادەمەزرێنرێت