وێنەی ئەو كاتەی ژمارەیەك ئاوارەی لوبنانی گەیشتنە عێراق
دوو هەزار و 500 كەس
لوبنانییەكانی ئەنبار دەگەڕێنەوە وڵاتەكەیان
964+
ئەرسەلان عەبدوڵا
قایمقامی قەزای قائیم لە سنووری پارێزگای ئەنبار لە عێراق رایگەیاند، دوو هەزار و 500 لوبنانی گەڕانەوە وڵاتەكەیان.
توركی محەمەد خلێف بە ئاژانسی هەواڵی عێراقی راگەیاندووە، لە ماوەی دوو رۆژی رابردوودا دوو هەزار و 500 لوبنانی، كە بەهۆی شەڕی وڵاتەكەیان لەگەڵ ئیسرائیل ئاوارەی عێراق ببوون، لە رێگەی دەروازەی سنووریی قائیم گەڕانەوە وڵاتەكەیان.
ئەوەشی وتووە، حكومەتی خۆجێی لە ئەنبار ئاسانكاری بۆ گەڕانەوەی لوبنانییەكان كردووە و لە رێگەی وەزارەتی كۆچ و كۆچبەرانەوە پاسی گواستنەوە و پێداویستی دیكەی بۆ دابین كردن.
لە ماوەی رابردوو بەهۆی شەڕی حزبوڵا و ئیسرائیلەوە لە لوبنان، بە سەدان خێزانی لوبنانی ئاوارەی وڵاتانی دەوروبەر بوون، بەشێك لەوانەش هاتنە عێراق و لە شارە جیاجیاكان نیشتەجێبوون، ئێستاش دوای راگەیاندنی ئاگربەست و وەستانی شەڕ، خەریكە دەگەڕێنەوە وڵاتەكەیان.
ماڵێکى خانەقینى دەرگایان بەڕووى خێزانێکى پەنابەرى لوبنانیدا کردەوە
لوبنان
ئەی پارەکەی دەدرێ بەچی؟
ئێران مستیلەیەکی دەستی حەسەن نەسروڵای فرۆشت؛ 690 ملیۆن تمەنی کرد
براكەی بەشار ئەسەد
"ماهیر ئەسەد پێش ئەوەی بگاتە مۆسكۆ لە عێراق بوو"
دووەم گەشت بووە
بە فڕۆکە زیاتر لە 150 هاوڵاتی لوبنانی لە عێراقەوە گەڕانەوە
شەڕ وەستاوە