ئۆتۆمبێلی بێ سەرەتا لە شەقامەکانی هەولێر قەدەغە کرا

964+

شۆڕش قادری

لێخوڕینی ئۆتۆمبێلی بێ سەرەتا لە ناو شەقامەکانی هەولێر قەدەغە کرا و پاسکیل و ماتۆڕیش چیدی نابێ بچەنە شەقامەکانی 120ی و 150ـیی شارەکە.

هێمن حەمەئەمین وتەبێژی بەڕێوەبەرایەتی هاتوچۆی هەولێر بە 964ـی وت، “لەپێناو ڕێکخستنی شەقام و کەمکردنەوەی جەنجاڵی و رووداوی هاتوچۆ لە شەقامەکان و نەهێشتنی حاڵەتی بەکارهێنانی ئۆتۆمبێلی بێ سەرەتا، ئەمڕۆ چەند بڕیارێکمان دەرکردووە”.

بەقسەی هێمن حەمەئەمین بڕیارەکان بریتین لە:

1- قەدەغە بوونی هاتوچۆی پاسکیل و ماتۆڕسیکل بەهەردوو جۆری دووتایە و سێ تایە لەسەر شەقامی خێرایی 120م و 150م.

2ـ قەدەغەبوونی هاتوچۆکردنی ئۆتۆمبێلی قورس کە لەبواری بیناسازی و کشتوکاڵی بەکار دەهێنرێن کە خێرایەکانیان لە 80کم/لە کاتژمێرێک کەمترە لە هەردوو شەقامی 120م و 150م خێرا، بەڵکو دەبێت لەسەر فلات بگوازرێنەوە.

3-قەدەغەبوونی بەکارهێنانی ئۆتۆمبێلی بێ سەرەتا لەسەرجەم شەقامەکانی شاری هەولێر.

وتەبێژی بەڕێوەبەرایەتی هاتوچۆی هەولێر وتیشی، هەرشوفێرێک سەرپێچی لەو بڕیارانە بکات، رێکاری یاسایی بەرامبەر دەگیرێتەبەر و ئۆتۆمبێل یان ماتۆڕسکیلەکەیشی دەستی بەسەردادەگیرێت.

لە ناو بەڕێوەبەرایەتى هاتوچۆی هەولێر کەسێک دەستگیرکرا

بەشی مۆڵەت و هونەری هاتوچۆی هەولێر تا دوای دەنگدان کارناکەن