پرۆسەكە دەستیپێكرد
كێشەی تابلێتەكانی سەرژمێری لە سلێمانی چارەسەر كرا
964+
ئەرسەلان عەبدوڵا
پرۆسەی سەرژمێریی گشتی لە كوردستان دەستیپێكرد و لە سلێمانییش تیمەكان دەستیان بە گەڕان و تۆماركردن كرد.
ئەم بەیانییە شەقامەكانی شاری سلێمانی چۆڵن و بە تاكوتەرا ئۆتۆمبێل و ماتۆڕ دەبینرێن، تیمەكانی سەرژمێرییش دەستبەكاربوون و دەستیان بە تۆماركردنی زانیاری و پشتڕاستكردنەوەی زانیارییەكانی دیكە كرد، كە پێشتر وەرگیراون.
مامۆستا هێمن سەرۆكی یەكێك لە تیمەكان لە سلێمانی، بە 964ی راگەیاند، دەستیان بە كار كردووە و خەریكن سەردانی ماڵەكان دەكەن.
وتیشی، ئەو كێشەیەی لە هەندێك لە تابلێتەكان هەبوو، لە لایەن تیمی تەكنینی بەڕێوەبەرایەتی ئاماری سلێمانییەوە چارەسەركران.
ئەمڕۆ و سبەی پرۆسەی سەرژمێریی گشتی لە هەرێمی كوردستان و عێراق بەڕێوەدەچێت، كە قۆناغێكی سەرەكی و گرنگی پرۆسەكەیە.
پێداچوونەوە: ئەرسەلان عەبدوڵا
