"لە ماڵێک لێبنرێ سێ ماڵ ئەولاتر بۆنی دەکەن"
برنجە بەتامەکەی زاخۆ پێگەیشت؛ دەنکی لە دەنکی نادرێ
964+
شڤان عەبدوڵا – زاخۆ
برنجە بەتامەکەی زاخۆ پێگەیشت و دەنکی لە دەنکی نادرێ.
چوار جوتیاری بەئەزموونی ئاکرێ چوونەتە زاخۆ و لە تەنیشت رووباری خابور زەوییەکی بەربڵاویان کردووە بە برنج.
ئەو جوتیارانە چوار مانگە نازی برنجەکە دەکێشن و پێوەی مەشغوڵن.
برنجێکی بەتام و نازداریان لە جۆرەکانی سێ مانگی، سەدری، تەحالوف و میسری بەرهەمهێناوە.
حاجی مەهدی یەکێک لەو جوتیارانە بە 964ـی وت، “برنجەکەمان ناوازەیە و تام و بۆنی هێند خۆشە کە ئەگەر لە ماڵێک لێبنرێ، سێ ماڵ ئەولاتر بۆنی دەکەن”.
برنجەکە کیلۆی لە دوو هەزار و 500 دینارەوە دەستپێدەکات تا دەگاتە چوار هەزار و پێنج هەزار دینار.
پێداچوونەوە؛ شۆڕش قادری