باڵەخانە نوێیەکەی چاودێری گەشەپێدانی کۆمەڵایەتی هەولێر
621 مەترە
باڵەخانەیەکی نوێ بۆ منداڵانی بێسەرپەرشتی هەولێر دابینکرا
964+
ژووری هەواڵ
باڵەخانەیەکی نێشتەجێبوون رادەستی بەڕێوەبەرایەتی چاودێری و گەشەپێدانی کۆمەڵایەتی هەولێر کرا و بڕیارە بۆ خزمەت منداڵانی بێسەرپەرشت بەکاربهێنرێت.
ئەمڕۆ چوارشەممە 6.11.2024، بەڕێوەبەرایەتی چاودێری و گەشەپێدانی کۆمەڵایەتی هەولێر رایگەیاند، باڵەخانەی داینگەی ئاشتی1 وەرگیرا و لە داهاتوویەکی نزیک دەخرێتە خزمەتی منداڵانی هەولێر.
یوسف چاوشین بەڕێوەبەری گشتی چاودێری و گەشەپێدانی کۆمەڵایەتی هەولێر، لە کۆنفرانسێکی رۆژنامەوانیدا رایگەیاند، باڵەخانەی داینگە بە پێی یاسای دەستەی وەبەرهێنان، بڕیاری ئەنجوومەنی باڵای وەبەرهێنان، بە پێی رێنمایی وەزارەتە و لە لە سەر ڕووبەرێکی بەرفراوان و بە کوالێتیەکی بەرز دروست کراوە.
داینگەکە لەسەر رووبەری گشتی دوو هەزار و 500 مەتر زەوی دروستکراوە و رووبەرەکەی 621 مەترە، تێچووەکەشی 360 ملیۆن دینارە.
