"تەنانەت جلەکانیشم گۆڕی"
نزیکەی 30 جار هەوڵیدا بەڵام پەنجەمۆر هەر نەیخوێندەوە
964+
ئەمەل ناجی- هەڵەبجە
کارمەندێکی ھێزەکانی ناوخۆ دەڵێت، نزیکەی 30 جار هەوڵیداوە بەڵام پەنجەمۆر هەر نەیخوێندووتەوە.
محەمەد حەیدەر کارمەندی ھێزەکانی ناوخۆ لە هەڵەبجە بە 964ـی وت، ئەمڕۆ هەینی 18.10.2024 و لە کاتی دەنگدانی تایبەت بۆ خولی شەشەمی پەرلەمانی کوردستان، 20 بۆ 30 جار هەوڵیداوە و چووەتە بنکەی دەنگدان بەڵام پەنجەمۆرەکە هەر نەیخوێندووەتەوە.
دەشڵێت، “تەنانەت جلەکانیشم گۆڕی بۆ ئەوەی ئامێرەکە نەمناسێتەوە، بەڵام هەر سوودی نەبوو و سەرکەوتوو نەبووم دەنگ بدەم”.
ئەمڕۆ لە 165 ناوەندی دەنگدان دەنگدانی تایبەت بۆ خولی شەشەمی هەڵبژاردنی پەرلەمانی کوردستان بەڕێوەچوو و رۆژی یەکشەممەش 20.10.2024 دەنگدانی گشتی بەڕێوەدەچێت.
پێداچوونەوە: شۆڕش قادری
وردەکاریی دەنگدانی تایبەت
