دیمەنێکی دەرەوەی وەزارەتی ناوخۆ.... وێنە؛ سۆشیاڵ میدیای وەزارەتی ناوخۆ.
لە خولێکدا کە لەلایەن وەزارەت ناوخۆوە رێکخراوە
ئەفسەران فێر دەکرێن بە دروستی مامەڵە لەگەڵ رۆژنامەنوسان بکەن
+964
ژێوار خدر
لە ژێر درووشمی “پاراستنی سیستم و ئازادی رادەربڕین” خولی راهێنانی ئەفسەران لەگەڵ رۆژنامەنووسان بەڕێوەچوو.
فەرمانگەی میدیا و زانیاری هەرێم بڵاویکردووەتەوە، خولێک لەلایەن وەزارەتی ناوخۆوە بەڕێوەچووە بۆ کۆمەڵێک ئەفسەری وەزارەتەکە، سەبارەت بە چۆنیەتی مامەڵە کردنی ئەفسەران لەگەڵ رۆژنامەنووسان.
خولەکە بە هەماهەنگی لەنێوان فەرمانگەی میدیا و زانیاری هەرێم و رێکخراوی یونسکۆ لە هەولێر رێکخرابوو، ئامانجی خولەکە پاراستنی سیستەم و ئازادی رادەربڕین و مامەڵەی دروستی ئەفسەران بوو لەگەڵ رۆژنامەنووسان.
لە خولەکدا 30 ئەفسەر کە سەر بەهێزەکانی وەزارەتی ناوخۆن بەشدارییان کردووە و بۆ ماوەی چەند رۆژێک بەردەوام بوو.
