وەزارەتی خوێندنی باڵا و توێژینەوەی زانستی - وێنە: ماڵپەڕی وەزارەتی خوێندنی باڵا.
نزیکەی دوو هەزارن
بڕیاردرا بە دامەزراندنی هەموو مامۆستایانی وانەبێژ لە خوێندنی باڵا
964+
ژووری هەواڵ
وەزارەتی خوێندنی باڵا و توێژینەوەی زانستیی هەرێم لەبارەی مامۆستایانی وانەبێژەوە بڕیارێکی حکومەت ئاشکرا دەکات و دەڵێت، “هەموویان دادەمەزرێن”.
ئەمڕۆ چوارشەممە 28.8.2024، لە راگەیەندراوێكدا وەزارەتی خوێندنی باڵا و توێژینەوەی زانستیی هەرێم ئاماژە بەوە دەكات، ”بە رەچاوكردنی رۆڵی گەورەی مامۆستایانی وانەبێژ لە بەردەوامیدان بە پڕۆسەی پەروەردە و فێركردن و خوێندنی باڵا، بڕیاردرا بە دامەزراندنی سەرجەم مامۆستایانی وانەبێژ لە وەزارەتی خوێندنی باڵا و توێژینەوەی زانستی و پەروەردە بە شێوەی گرێبەست بە پێی رێنمایی دارایی ژمارە 10ـی ساڵی 2019″.
دەشڵێت، ”هەردوو وەزارەتی خوێندنی باڵا و توێژینەوەی زانستی و پەروەردە راسپێردراون بە وردبینیكردنی لیستی ناوی وانەبێژان و ئەنجامدانی رێكارەكانی دامەزراندنیان”.
عەباس ئەکرەم، وتەبێژی وەزارەتی خوێندنی باڵا بە 964ـی راگەیاند، لەئێستادا ژمارەی مامۆستایانی وانەبێژ کە سەر بە وەزارەتەکەن، هەزار و 982 مامۆستان.
