گرافیكیێك بۆ ژمارهى ئه‌و هاوڵاتیانه‌ى به‌هۆى لهشكركێشی ئێرانهوه گیانیان له‌ده‌ستداوه و بریندار بوونه... گرافیك: 964+
زۆرینه‌یان كابانى ماڵ و جوتیار و كاسبكارن
له‌شكركێشییه‌كانى ئێران بۆ سه‌ر هه‌رێمی كوردستان كێی به‌ئامانج گرتووه؟
964+
فه‌رهاد حه‌سه‌ن
زۆرینه‌ی ئه‌و هاوڵاتیانه‌ى كه به‌هۆى له‌شكركێشییه‌كانى سوپاى پاسدارانى ئێران به ئامانج گیراون، بریتی بوونه له كابانى ماڵ، جوتیار و كاسبكار.
ئه‌مه قسه‌ى تیمی کوردستانی عێراقی رێکخراوی CPT ئه‌مریكییه، له نوێترین راپۆرتیدا جۆرى پیشه‌ى ئه‌و هاوڵاتیانه‌ى ئاشكراكردووه، كه له ماوه‌ى ساڵانى 1991 تاوه‌كو 1.8.2024 بوونه‌ته ئامانجى كاره سه‌ربازییه‌كانى ئه‌م وڵاته.
CPT كار له‌سه‌ر چاودێریكردنى بارودۆخى ناوچه سنوورییه‌كان له هه‌رێمی كوردستان ده‌كات و به شێوه‌یه‌‌كی مه‌یدانیش داتا و زانیارییه‌كان كۆده‌كاته‌وه.
ئاماژه‌ى به‌وه‌كردووه، 15%ـى ئه‌و هاوڵاتیانه‌ى كه خه‌ریكی كارى رۆژنه‌یان بوونه و كابانى ماڵ بوون به‌ئامانج گیراون، به‌هۆیه‌وه 11 هاوڵاتی گیانیان له‌ده‌ستداوه و 11ـى دیكه‌ش بریندار بوونه.
13% هاوڵاتی مه‌ده‌نى كاسبكارن كه 10 له‌و كاسبكارانه گیانیان له‌ده‌ستداوه و نۆ كه‌سیش بریندار بوونه.
8% یان جوتیار بوونه، كه نۆ كه‌س گیانیان له‌ده‌ستداوه و سێ كه‌سیش بریندار بوونه.
5% ـى پپیشه‌یان پێشمه‌رگه بووه پێنج كه‌س گیانیان له‌ده‌ستداوه و دوو شیان بریندار بوونه.
5% یان شوان بوونه پێنج له‌و شوانانه گیانیان له‌ده‌ستداوه و دوو كه‌سیشیان بریندار بوونه.
3%ـى قوتابیانیش به ئامانج گیراون، سێ قوتابی گیانیان له‌ده‌ستداوه و یه‌ك دانه‌شیان بریندار بووه.
2% هاوڵاتی مه‌ده‌نى بێكار بوونه یه‌كێك له‌و هاوڵاتیانه گیانى له‌ده‌ستداوه و دوو كه‌سیشیان بریندار بوونه.
2% پێشمه‌رگه‌ى بریندار كراونه‌ته ئامانج، كه‌سێكیان گیانى له‌ده‌ستداوه و دوو كه‌سیشیان بریندار بوونه.
2% یان بازرگان بوونه، كه به‌هۆیه‌وه دوو له‌و بازرگانانه گیانیان له‌ده‌ستداوه و یه‌ك كه‌سیشیان بریندار بوونه.
2% ى ئه‌وانه‌ى كه‌وتوونه‌ته به‌ر هێرشه سه‌ربازییه‌كانى ئێران بریتى بوونه له هاوڵاتیانى كارگوزار، دوو هاوڵاتى گیانیان له‌ده‌ستداوه و یه‌كێكیشیان بریندار بوونه..
رێكخراوی CPT: له ماوه‌ی 33 ساڵدا 425 هاوڵاتى هه‌رێم گیانیان له‌ده‌ستداوه
بۆردومان
106 ساڵ بەرلەئێستا جه‌نگی جیهانى یه‌كه‌م کۆتایی هات
له كوشتنى ئه‌رشیدۆق بۆ رێکەوتننامەی ناو فاڕگۆنێکى شه‌مه‌نده‌فه‌ر
لە رواندزیش هەمان کاریان کردووە
له سیده‌كان رێگاى لاوه‌كى چه‌ند گوندێك داخران کە مەترسی داربڕینیان لێدەکرێت
بە F16
لە حەمرین بۆرودومانی داعش كرا
گوندی گوهەرزێ
گوللەتۆپێک کەوتەخوارەوە و چەند هاوڵاتییەک گواسترانەوە نەخۆشخانە
وتەبێژ رای حکومەتی بەیان کرد