ژمارەیەک بارهەڵگر بە کەلوپەلەوە لە دەروازە سنوورییەکانی هەرێمی کوردستان. فۆتۆ: سۆشیاڵ میدیا
زۆربەری بەرهەمی ئاژەڵییە
لە شەش مانگدا عێراق 400 هەزار تۆن سەوزە و میوە و بەرهەمی ئاژەڵی هەناردە کردووە
964+
ژووری هەواڵ
وەزارەتی کشتوکاڵی عێراق رایگەیاند، لە ماوەی شەش مانگی سەرەتای ئەمساڵدا، بڕی هەناردەکردنی بەرهەمی رووەکی و ئاژەڵی عێراق گەیشتووەتە زیاتر 400 هەزار تۆن.
میساق عەبدولحوسێن، یاریدەدەری ئەمینداری تەکنیکی لە وەزارەتى کشتوکاڵى عێراق بە ئاژانسی هەواڵی عێراقی راگەیاندووە، لە ماوەی شەش مانگی ئەمساڵدا زیاتر لە 400 هەزار تۆن بەرهەمی رووەکی و ئاژەڵی هەناردەی وڵاتان کراوە.
لەو 400 هەزار تۆنە، 100 هەزار تۆن بەرهەمی رووەکی بووە لە 27 جۆر کە پێکهاتووە لە سەوزە و میوە و برنج.
یاریدەدەری ئەمینداری تەکنیکی لە وەزارەتى کشتوکاڵى عێراق راشیگەیاندووە، بەرهەمی ئاژەڵیش بە بڕی زیاتر لە 300 هەزار تۆن هەناردە کراوە.
