ئەمساڵ لە سلێمانی 24 کەس تووشی ڤایرۆسی جگەر بوون

964+

دیلان محەمەد – سلێمانی

تا بێت مەترسیەکانی ڤایرۆسی جگەر دەردەکەون دکتۆرێکی پسپۆری ئەو نەخحشیەش دەڵێت، 2%ی دانیشتوانی سلێمانی کەوتوونەتە بەر ئەو مەترسیە.

د. ئاراس لەتیف پسپۆری وردی نەخۆشییەکانی هەرس و جگەر بە 964ـی وت، بەپێی ئەو ئامارانەی لەبەردەستدایە سلێمانی لە ئاستێکی مامناوەندایە بۆ توشبووانی ڤایرۆسی جگەر لە جۆری B، رێژەکە کەمترە لە 2%ی دانیشتوان.

باسی لەوەکرد، هەریەکە لە جۆرەکانی ڤایرۆسی B و C جێگەی سەرنجن، لەبەر ئەوەی کەسی توشبوو دووچاری نەخۆشی درێژخایەن دەکات و بە مۆم بونی جگەر و شێرپەنجە کۆتایی دێت.

ئەوەی خستەروو، دەتوانرێت رێگری لە بڵاوبونەوەی بکرێت لە رێگەی کوتان و رێکارەکانی خۆپارێزی، هەموو تەمەنێک ئەگەری توشبونی هەیە بەو ڤایرۆسە.

وتی:”ئەمساڵ لە سلێمانی تا ئەم ساتە 24 حاڵەتی توشبون بە ڤایرۆسی جگەر دیاریکراوە”.

پێداچوونەوە: میدیا گۆران