رەنگ کردنی شەقامەکانی کفری وێنە: شارەوانی کفری
بەپێی ستانداردە جیهانییەکان
شارەوانی کفری بە ستاندارد شەقامەکان بۆیاخ دەکەن
964+
ژێوار خدر
سەرۆکایەتی شارەوانی کفری، دەستی کردووە بە بۆیاخ کردنی شۆستە و شەقامەکانی قەزاکە و بەشێکی شەقامەکانیش تەواو کراون.
شارەوانی قەزای کفری لە تۆڕی کۆمەڵایەتی فەیسبوک بڵاوی کردووەتەوە، کە بۆ جوانترکردنی سیمای شار بە چەند قۆناغێک شەقامەکان بۆیاخ دەکرێن.
ئێستا قۆناغی یەکەمی دەستی پێکردووە و لە سەرەتادا سەرجەم شۆستە سەرەکییەکانی ناو قەزاکە دەگرێتەوە، بڕیاریشە بۆیاخکردنی شۆستەکان بەپێی ستانداردە جیهانییەکان ئەنجام بدرێن.
بەپێی بڵاوکراوەی شارەوانییەکە، دوای تەواو بوونی قۆناغی دووەم راستەوخۆ قۆناغەکانی دیکەش جێبەجێ دەکرێن ودەڵێن، شەقام نامێنێ لە کفری بۆیاخ نەکرابێ.
