شەش هاوڵاتی بە تۆمەتی راوکردن دەستگیر کران

توانا نەقی

لە چەند گوندێکی سنووری ناحیەی سەنگاو هەروەها تانجەرۆ شەش هاوڵاتی بە کەلوپەلەکانیانەوە بە تۆمەتی راوکردن دەستگیر کران.

ئەمڕۆ یەکشەممە، پۆلیسی دارستان و ژینگەی سلێمانی بڵاویکردەوە، مەفرەزەیەكی بنکەی پۆلیسی دارستانی سەنگاو دەرچوون بۆ سنوری گوندەکانی قادراوا، سەرقەڵا و کەڵان، دوای گەڕان و پشکنینی ناوچەکە لە ئەنجامدا چوار هاوڵاتیان بە تۆمەتی راوکردن دەستگیر کردووە.

دەشڵێت، توانراوە دەست بگیرێت بەسەر، ئۆتۆمبێلێک، چەکێکی کڵاشینکۆف و مەغزەنێک ە 30 فیشەک، هەورەها لایتێک و شەش تانجی.

هەروەها لە سنووری تانجەرۆ توانراوە دوو تۆمەتباری دیکە بە تۆمەتی راوکردنی باڵندەی کێوی دەستگیر بکرێن و دەستیشگیراوە بەسەر چەند باڵندەیەکی راوکراودا.

ئاماژەی بەوەشکردووە، پەڕاوی لێکۆڵینەوە ڕێکخراوە و رادەستی دادوەر کراوە بۆ وەرگرتنی رێکاری یاسایی بەرامبەر ئەو تۆمەتبارانە.