لە هەموو لایەکەوە ئاو هەڵدەقوڵێت
شکانی بۆریەکی ئاو شەقامێکی بەکرەجۆی کردووەتە بێژەنگ
964+
دیلان محەمەد- سلێمانی
بۆرییەکی ئاو لە شەقامێکی بەکرەجۆی سلێمانی شکاوە و لە هەموو لایەکەوە ئاو هەڵدەقوڵێت و لەمسەر تا ئاوسەر بووەتە ئاو.
پەیامنێری 964 چووەتە ئەو شەقامە و لە دیمەنەکان نیشانی دەدات، لە چەند لایەکەوە ئاو دێتە دەرەوە لە قەراغەکان لە ناوەڕاست، تەواوی شەقامەکەی کردووە بە لافاو، گرفتی بۆ ئۆتۆمبێلەکانیش دروست کردووە و بەپێی قسەی دوکاندارەکانی ئەو ناوە، نازانن هۆکارەکەی چیە و ئەوەی هەیە شکانی بۆریەکە و پێویستی بە چارەسەرە.
بەوشێوازە بەردەوام بێت قیری شەقامەکەش تێکدەچێت و نزیکەی دوو رۆژە واماوەتەوە و هاوڵاتیانیش داوا لە بەڕێوەبەرایەتی ئاوی سلێمانی دەکەن بە هانایانەوە بچن.
پێداچوونەوە: پەری ساڵح
