دیمهنێكی كرێكارانى شارهوانى پردێ لهكاتى نانخواردنهكه ... وێنهكان: سۆشیاڵ میدیاى ئاڵتون كۆپری
سبهیش رێزیان لێدهندرێت
بۆ رۆژه جیهانییهكهیان كرێكارهكانى پردێ داوەت كران
964+
فهرهاد حهسهن
شارهوانى پردێ دهڵێت، بهبۆنهى رۆژى جیهانیی كرێكاران، بهپێویستیان زانیووه بهشێوازى جیاواز رێز له كرێكارهكانیان بگرن، به داوهتكردنى نان خواردن و رێزلێنانى تایبهت.
له سنوورى شارهوانى پردێ نزیكهى 60 كرێكار لهو شارهوانییه كارى پاككهرهوه و كاره خزمهتگوزارییهكانى دیكه ئهنجام دهدهن.
ساڵانه، ژنێكى چاكهخواز بهناوى “لیوا” لهو ناحیهیه به داوهتكردنى كرێكارهكان له رۆژه جیهانییهكهیاندا داوهتى ژهمه خواردنێكیان دهكات و ئهمساڵیش بههاوكاری شارهوانى پردێ ئهو داوهتهى بۆ رێكخستن.
محهمهد نهجیب مهجید، سهرۆكى شارهوانى پردێ به 964ـى وت، ئهمڕۆ تهواوى كرێكارهكانیان له رۆژه جیهانییهكهیاندا پشوودا بوونه و ئهوهش مافێكی سهرهتایی خۆیانه بۆ یان كراوه.
وتیشی “جگه له داوهتى خواردنهكه سبهینێش له دیوانى شارهوانى رێزلێنان پێشكهشى تهواوى كرێكارهكانمان دهكهین و ههواڵ و ماندووبوونیان بهرز دهنرخێنین”.
