بەشێک لە سەبەتەکانی خۆراک لەکاتی گواستنەوەدا. فۆتۆ: هاتوچۆی دەربەندیخان
سەبەتەی خۆراکیان پێداون
کارمەندانی هاتوچۆی دەربەندیخان هاوکاری 32 خێزانی کەمدەرامەت دەکەن
964+
ژووری هەواڵ
کارمەندانی هاتوچۆی دەربەندیخان لە سێیەم رۆژی مانگی رەمەزاندا، هەڵمەتێکی کۆکردنەوەی هاوکاریان ئەنجامداوە و بڕێک پارەیان کۆکردووەتەوە تا هاوکاری خێزانە کەمدەرامەتەکانی قەزاکەی پێبکەن.
ئەمڕۆ چوارشەممە 13.3.2024، هاتوچۆی دەربەندیخان رایگەیاند، سەرەڕای ئەرکەکانی خۆمان ماوەی چەندین ساڵە بەبێ وەستان هاوکاریەکانمان بەردەوامە، ئەمڕۆش بڕی یەک ملیۆن و 400 هەزار دینار لەلایەن بەشێک لە ئەفسەر کارمەندەکانیان کۆکراوەتەوە و بەو پارەیە سەبەتەی خۆراک دابینکراوە بۆ خێزانە کەمدەرامەتەکان.
بەگوێرەی راگەیەندراوەکەی هاتوچۆی دەربەندیخان، ئەو پارەیە دراوە بە 32 سەبەتەی خۆراک و بۆ هەر خێزانێک بڕی 43 هەزار و 500 دینار خەرجکراوە.
سەبەتەکانی خۆراک پێکهاتوون لە مریشکی فرێش و برنجی دەنک درێژ، کارمەندەکان بە ئۆتۆمبێلی خۆیان گەیاندوویانەتە ماڵە هەژارەکان.
964 بۆ وەرگرتنی زانیاری زیاتر لەسەر کۆکردنەوەی ئەو هاوکاریانە و بەردەوامیدانیان پەیوەندی بە بەڕێوەبەری هاتوچۆی دەربەندیخانەوە کرد بەڵام وەڵامی نەدایەوە.
