سبەینێ شەقامێکی سەرەکی کەلار دادەخرێت

توانا نەقی

سبەینێ دووشەممە، یەکێک لە شەقامە سەرەکییەکانی ناو قەزای کەلار بە مەبەستی دروست کردنی یەکتربڕ دادەخرێت.

سەرۆکایەتی شارەوانی کەلار بڵاویکردەوە، ئاگاداری شوفێران و هاوڵاتیان دەکەنەوە سبەینێ دووشەممە شەقامی سەرەکی لیواکە بۆ بازار یەک ئاراستەیان دادەخرێت.

دەشڵێت، داخستنەکە لە یوتێرنی بەردەم یاریگای شێروانە تاوەکو یوتێرنی بەردەم مزگەوتی تەقوا دەبێت بە دوو ئاراستە و بەدیوی یاریگای شێروانە دادەخرێت بەمەبەستی دروستکردنی یەکتربڕێکی نوێ.

ئەو شەقامەی کەلار یەکێکە لە شەقامە سەرەکییەکان و چەند گەڕەکێک بە بازاڕی قەزاکە سەنتەرەوە دەبەستێتەوە.