لازیۆ ئەمشەو لە یاریگەی بایرن میونشن ئەرکی زەحمەتە. فۆتۆ: ئاژانسەکان
دوو یاریی بەهێز
ئه‌مشه‌و دوو تیپ له چامپیۆنزلیگ ده‌رده‌كرێن
964+
ئه‌رسه‌لان عه‌بدوڵا
ئه‌مشه‌و دوو تیپ له قۆناغی 16ی چامپیۆنزلیگی ئه‌وروپا ده‌رده‌كرێن و دوو تیپیش ده‌گه‌نه قۆناغی هه‌شت.
یارییه‌كانی گه‌ڕانه‌وه‌ی قۆناغی 16 ده‌ستپێده‌كه‌ن و ئه‌مشه‌و كاتژمێر 11:00 بایرن میونشن له یاریگه‌ی خۆیدا رووبه‌ڕووی لازیۆ ده‌بێته‌وه.
یاریی چوون له ئیتالیا به گۆلێكێ بێ به‌رامبه‌ر بۆ لازیۆ كۆتایی هات و ئه‌مشه‌و بایرن پێویستی به بردنه‌وه به گۆڵێك زیاتر هه‌یه، بۆ ئه‌وه‌ی بگاته قۆناغی داهاتوو.
له یارییه‌كی دیكه‌شدا له هه‌مان كات، هه‌ردوو یانه‌ی ریال سۆسیدادی ئیسپانی و پاریس سانجێرمانی فه‌ره‌نسی له ئیسپانیا رووبه‌ڕوو ده‌بنه‌وه.
یاریی چوون له پاریس به بردنه‌وه‌ی تیپه‌كه‌ی ئێمباپێ به دوو گۆڵی بێ به‌رامبه‌ر كۆتاییهاتووه و ئه‌ركی سۆسیداد له یاریی ئه‌مشه‌ودا زۆر زه‌حمه‌ته، به‌ڵام هیچ شتێكیش له تۆپی پێدا مه‌حاڵ نییه.
