یەکێک لە کامێرا جێگیرەکانى چاودێرى تیژڕۆیى - وێنە: بۆ 964 نێردراوە
سۆران
کامێراکانى چاودێرى تیژڕۆیى کەوتنەکار
وریا فەتاح
لە بەرەبەیانى ئەمڕۆوە، کامێراکانى چاودێرى تیژڕۆیى لە دوو شوێنى سنورى سۆران دانران و سەرپێچییەکان تۆمار دەکەن.
هاتووچۆى سۆران ئاگادارى شۆفێران دەکاتەوە کە لە بەرەبەیانى ئەمڕۆوە، کامێراکانی چاودێری خێرایی جێگیر بەرامبەر نەخۆشخانەی ئاشتی و بەرامبەر نەخۆشخانەی لە دایک بوون کەوتوونەتەکار.
داوا لە شۆفێرانیش دەکات، پایەندى خێرایى دیاریکراوبن کە بەم شێوەیە دیاریکراوە:
جوتسایدى دەروازەى سۆران 80 کیلیۆمەتر لە کاتژمێرێکدا.
جوتسایدى جوندیان 60 کیلۆمەتر لە کاتژمێرێکدا.
964 چەند جارێک پەیوەندى بە وتەبێژى هاتووچۆى سۆرانەوە کرد و ویستى زانیارى زیاتر لە بارەى کامێراکان وەربگرێت، بەڵام وەڵامى پەیوەندییەکە نەدرایەوە.