ئەو ئۆتۆمبێلەی لە ملەی نەملە وەرگەڕاوە. وێنە:964
لە پێنجوێن
بەهۆی وەرگەڕانی ئۆتۆمبێلەکەیان باوکێک لەگەڵ دوو کوڕی بەسەختی بریندارن
964+
کامیار کەمال – پێنجوێن
ئێوارەی ئەمڕۆ باوکێک لەگەڵ دوو کوڕی لە مڵەی نەمڵەی سنووری پێنجوێن ئۆتۆمبێلەکەیان وەرگەڕا و بەسەختی بریندار بوون.
ئەو ئۆتۆمبێلەی وەرگەڕاوە لەجۆری هایلۆکس بووە، بەگوێرەی زانیارییەکان بەهۆی خلیسکی رێگا کۆنتڕۆڵی لەدەستداوە و وەرگەڕاوە.
سەرچاوەیەک لە هاتوچۆی پێنجوێن بۆ 964 قسەیکردووە دەڵێت، هۆکارەی رووداوەکە خێرایی ئۆتۆمبێلەکە بووە لەو کاتە دەرچونی کردووە، تەرزەیەکی بەخوڕ باریووە و رێگاکە خلیسک بووە، ئەمەش بووەتە هۆی وەرگەڕانی ئۆتۆمبێلەکە.
بەگوێرە وتەی ئەو سەرچاوەیە، لە ئۆتۆمبێلەکە باوکێک و دوو کوڕ هەبوون، بەسەختی بریندرابوون، سەرەتا براونەتە نەخۆشخانەی شەهید شەوکەت و دواتریش بەهۆی سەختی برینەکانیانەوە رەوانەی سلێمانی کراون.
بەگوێرەی زانیاری 964، ئۆتۆمبێلەکە کەوتووەتە شیوێکەوە، بەهۆی سەختی شوێنەکە نەتوانراوە دەربهێندرێت.
پێداچوونەوە: فەهمی نەبی
