نا بۆ وێنەگرتن
964 پاڵپشتى کەمپەینى پاراستنى شکۆمەندییە
964+
وریا فەتاح
964 پاڵپشتى کەمپینى شکۆمەندییە و داوا دەکات وێنە و ڤیدیۆى ئەو کەسانە بڵاونەکرێتەوە کە پێویستیان بە هاوکارى کۆمەڵایەتییە.
وەک ئەوەى رێکخەرانى کەمپەینەکە باسى دەکەن، بڵاوکردنەوەى وێنە و ڤیدیۆى ئەو کەسانەى پێویستییان بە هاوکارى و کۆمەک هەیە، دیاردەیەکى باوە و زۆر جار دەبینن سۆشیال میدیا و راگەیاندنەکان، بڵاوکردنەوەى وێنە و ڤیدیۆى ئەو کەسانەى دەکەن بە مەرجى هاوکاری کردنیان.
ئەم دیاردەیە، لەلایەکەوە پێشێلکردنى بنەماکانى مافى مرۆڤە و لەلایەکى دیکەوە ناتەباو نەگونجاوە بە بنەما ئاینییەکان و ئیتیکى کارى میدیایى.
964 لە چوارچێوەى بنەمایى پیشەیى بوون و رێزگرتن لە مافەکانى مرۆڤ، پاڵپشتى کەمپینەکەدەکات و ئێمەش دەڵێین” نا بۆ بڵاوکردنەوە و پیشاندانى ئەو کەسانەى پێویستیان بە هاوکارى کۆمەڵایەتییە”.
کەمپینەکە لەلایەن ژمارەیەک گەنجى سنورى پارێزگاى سلێمانى و هەڵەبجە رێکخراوە و سەردانى کەسایەتى و رێکخراوە بەخشەرەکان دەکەن و ئامانجەکانیان بۆ پاراستنى شکۆى ئەو کەسانە روون دەکەنەوە.