نەتەوە یەکگرتوەکان لە هەولێر 500 داری چاند

964+

فەهمی نەبی

رێکخراوی نەتەوە یەکگرتوەکان لە عێراق رایگەیاندووە، بەبۆبەی رۆژی جیهانی خۆبەخشی بەهاوکاری ئەندازەی پارکەکانی هەولێر 500 داریان لە پارکی هەواری بنەسڵاوە چاندووە.

ئەمساڵ رێکخراوی نەتەوە یەکگرتووەکان لەسەرانسەری جیهان چالاکیەکانی تەرخانکردبوو بۆ چالاکی ژینگەیی و چاندنی دار، لە عێراق ریکخراوی UNV هەڵمەتی جیاوازی چاندنی داری ئەنجامداوە.

سەروەر وەیسی بەرپرسی راگەیاندنی ئەندازەی پارکەکانی هەولێر بۆ 964 وتی، ئەو 500 دارەی ئەمڕۆ لەلایەن خۆبەخشان چێندرا، لەلایەن ئەندازەی پارکەکانی هەولێر دابینکرابوو، بەجۆرێک سەرجەمیان لە نەمامگەکانی ئەندازەی پارکەکان ئامادەکرابوون بۆ چاندن.

بەوتەی سەوەر وەیسی، هەموو ئامادەکارییەکانی ئەو هەڵمەتە لەلایەن ئەندازەی پارکەکانەوە رێکخرابوون، دەیان کوڕ و کچی خۆبەخش بەشداری چاندنی ئەو ژمارە دارە بوون.

رێکخراوی نەتەوە یەکگرتووەکان لەچوارچێوەی پڕۆژەی “گرین هاوس” چالاکی چاندنی نەمامی لەچەندین وڵات ئەنجامداوە.

لە شەمامک دەست بەچاندنی حەوت هەزار دار کرا