نزیکەی نیوەی رووداوە هاتوچۆکانی گەرمیان ماتۆڕسکیل بوون

964+

پێشەوا محەمەد

بە پێی ئاماری بەڕێوەبەرایەتیی هاتوچۆی گەرمیان، تا مانگی 10ـی ئەمساڵ 387 رووداوی هاتوچۆ روویان داوە و 148یان ماتۆڕسکیل بوون.

بە پێی ئاماری بەڕێوەبەرایەتییەکە، کە بە 964 دراوە، 155 ماتۆڕسوار بریندار بوون و 12شیان گیانیان لەدەست داوە.

” زۆرینەی هۆکاری رووداوەکانی هاتوچۆ پابەندنەبوونە بە رێنماییەکانی هاتوچۆ، خێرایی لەڕادەبەدەر، تێپەڕاندنی هەڵە و لێخوڕین بە مەستی و خراپیی رێگاوبانەکان”، ئەوە قسەی سامان عەلی، وتەبێژی هاتوچۆی گەرمیانە بۆ 964.

دەشڵێت، ئەو ماتۆڕسوارانەی گیانیان لەدەست داوە مۆڵەتیان نەبووە و زۆرینەی ماتۆڕسکیلەکانیش بێسەرەتان و تۆمار نەکراون.

ساڵی رابردوو 408 رووداوی هاتوچۆ لە گەرمیان روویان داوە و 214یان ماتۆڕسکیل بوون، بەهۆیانەوە 146 کەس بریندار بوون و 16ی دیکەش گیانیان لەدەست دابوو.

هاتوچۆی گەرمیان دەیەوێت کامێرای خاڵ بۆ خاڵ بگەیەنێتە رێگاکانی دەرەوەی شار