دیمەنێک لە پاشماوەی رووداوەکەی بەرەبەیانی ئەمڕۆ یەکشەممە 12.11.2023 _ وێنە: 964
"لە گردەگۆزینە وەرگەڕاوە"
ماتۆڕسوارێک گیانی لەدەست دا
964+
ئەحمەد مستەفا
هاتوچۆی گەرمیان بڵاویکردەوە، لە رووداوێکی هاتوچۆدا لە ناوچەی گردەگۆزینەی سەر بە قەزای کەلار شۆفێری ماتۆڕسکیلێک گیانی لەدەستداوە.
بە وتەی هاتوچۆی گەرمیان، کە ئەمڕۆ یەکشەممە 12.11.2023 رووداوەکەی لە راگەیەندراوێکدا بڵاویکردووە، بەرە بەیانی ئەمڕۆ روویداوە، ماتۆڕسکیلەکە لەناو گردەگۆزینەی سەر بە قەزای کەلار وەرگەڕاوە، و بەهۆیەوە شۆفێری ماتۆڕسکیلەکە گیانی لەدەست دا.
ئەوکەسەی گیانی لەدەستداوە لەدایک بووی 1995-ە، هاتوچۆی گەرمیان دەڵێت، “تیمەکانی هاتوچۆ سەبارەت بەهۆکار و شێوازی رووداوەکە دەستییان بە لێکۆڵینەوە کردووە”.
