وێنەی کارمەندێکی تەندروستی لەکاتی ئەنجامدانی تیشک بۆ نەخۆشێک. وێنە:بەڕێوەبەرایەتی تەندروستی سلێمانی.
لە نەخۆشخانەی مەمک لە سلێمانی
مانگی رابردوو یەک حاڵەتی شێرپەنجەی مەمک دیاری کراوە
964+
پێشەوا محەمەد
تەندروستیی سلێمانی رایگەیاندووە، لە ماوەی مانگێدا هەزار و 177 نەخۆش سەردانی کلینکی مەمکیان کردووە و لەو رێژەیە تەنیا یەک نەخۆشیان شێرپەنجەی مەمکی هەبووە.
ئەمڕۆ یەکشەممە بەڕێوەبەرایەتیی تەندروستیی سلێمانی ئاماری یەک مانگی کلینکی چارەسەری نەخۆشییەکانی مەمکی سلێمانییان بڵاوکردەوە، ئامارەکە لە 1 تا 31.10.2023 بووە، لەو رێژەیە سەردانی نەخۆشخانەکەیان کردووە، 412 نەخۆشیان نوێ بوون، ئەوانەی دیکە پێشتر تۆمار کراون و سەردانیان هەبووە.
لەو هەزار و 177 نەخۆشە، تەنیا یەک حاڵەتی شێرپەنجەی مەمک تۆمار کراوە، 249 حاڵەت بەهۆی بوونی ئازار و 34 نەخۆش بەهۆی بوونی گرێ سەردانی نەخۆشخانەکەیان کردووە.
هەروەها 308 تیشک گیراوە و 139 سۆنەریش ئەنجام دراوە.
نەخۆشخانەکە دەوامی ئێوارانیشی تێدایە و کلینیکەکە ئێواران 20 بۆ 25 نەخۆش دەبینێت.
